ചിറയെന്നു കേട്ടു നിൻ മനത്തിൽ
പെരിയ ചിറയാ എന്ന ചിന്ത വേണ്ട
ചെറിയ തോടിൽ വലിയ തോതിൽ
പണിത ഒരു ചാന്ത് നിർമ്മിതിയാ...
കുഞ്ഞെൻ ചിന്തക്ക് വഴി തടഞ്ഞും നിരന്നും
വലിയ വേദിയായി നിന്നവൻ
കല്ലിനെ മുള്ളിനെ കള്ളിമുള്ളിനെ
മെരുക്കി ചിറ താണ്ടി വന്ന നീരുറവ
മൗനമാം എന്നുള്ളിൽ കുളിര് കടത്തി
നടന്ന് സിരകളിൽ തൊട്ട് തലോടവേ
ഉറക്കം നടിച്ചു മടി കാണിച്ച വാക്കുകൾ
മിഴി തുറന്ന് തല പൊക്കി നോക്കി
വാക്കുകൾ ചെത്തായി നിന്നപ്പോ
ഈത്തച്ചിറക്ക് കവിയായി കവിതയായി
പല നിറ ചിന്തകൾ ചിറക് വെച്ചും
ചിരി നിറച്ചും ചിറയുള്ളിൽ കയറി കിടക്കുന്നു
ഓർക്കുമ്പോ ഓർമ്മയിൽ
എന്നുമെന്നും
നേർമ ചിരിയുള്ള
ചിറയാ എൻ ഈത്തച്ചിറ
.
31.07.2022
http://wa.me/+919188573514
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ