ഒഴുക്കുകള്‍

ഓളങ്ങൾ  നേത്ര നടുവില്‍ നൃത്തം കാണിക്കവേ 

തുറന്നെന്നുള്ളിൽ അടക്കിയൊതുക്കി-

മിനുക്കിയ ഓര്മ തൻ കുറിപ്പുകൾ.

ചാഞ്ഞും ചെരിഞ്ഞും നൃത്തച്ചുവടുകളായി  

പെയ്തിറങ്ങിയ പേമാരിത്തുള്ളികൾ 

പരത്തിയ കുളിര്‍ യാമത്തിൽ 

വിരിപ്പിലമര്‍ന്നുറങ്ങാൻ ധൃതി വെച്ചയന്ന്

തട്ടിയുണര്‍ത്തി ഉടയാടകളിണിയിച്ചുമ്മ
ഉമ്മ നല്കി യാത്രയാക്കിയ നിമിഷങ്ങൾ ,

മഴത്തുള്ളികള്‍ പിറകേ താളം പിടിച്ച്  

അപ്പ കുറുന്തോട്ടി സോദരര്‍ മുന്നില്  

അദ്ധ്യാപക ഭാവമണിഞ്ഞ് 

ചോദ്യ ശരങ്ങൾ തൊടുത്ത്

ഉത്തരം മൊഴിയാമാത്രയിൽ 

മടികൂടാതടി പ്രയോഗം നടത്തിയും -

പിന്നോട്ട് വളച്ച കാലുകളാൽ -

മുന്നോട്ട് ഗമിച്ച വഴികളും  

അഭ്യസിച്ച പാഠൃ പാഠൃേതര വിഷയത്താൽ 

സമൃദ്ദമാം  ആ കലാലയ
നാളുകളിന്നെന്നുള്ളില്‍ വിടരവേ! 

പരക്കുന്നന്തര്‍തലങ്ങളിൽ 

ശാന്തി തൻ മന്ദമാരുതൻ .

യാത്രികമാം ഇന്നിന്‍ നാളുകള്‍ തൻ 

പുതു പുലരികൾ മുന്നില് 

എപ്പോഴുമോര്‍ത്ത് നിര്‍വൃതികൊള്ളുന്നു-

കളി രസച്ചരടാൽ കോർത്തിണക്കിയാനാളുകൾ-
ഒരിക്കല്‍ കൂടി തിരിച്ചണെന്കിലെന്ന കൊതിയോടെ!