നാടറിഞ്ഞു

കാത്തിരുന്നു കാത്തിരുന്നു
കനവ് കണ്ട് കാത്തിരുന്നു
ഓർത്തിരുന്നു ഓർത്തിരുന്നു
ഖൽബിൽ കണ്ട് ഓർത്തിരുന്നു.

ഓർത്തുറങ്ങി ഓർത്തുറങ്ങി
കനിവിൻ വേണ്ടി ഓർത്തുറങ്ങി
കാത്തുറങ്ങി കാത്തുറങ്ങി
ഖാലികിൻ ഖൈർ കാത്തുറങ്ങി

നാളണഞ്ഞു നാളണഞ്ഞു
നന്മ തേടിയ നാളണഞ്ഞു
വരവരിഞ്ഞു വരവറിഞ്ഞു
കുഞ്ഞു മോളുടെ വരവറിഞ്ഞു

നാടറിഞ്ഞു നാടറിഞ്ഞു
മോളെ പെറ്റത് നാടറിഞ്ഞു
വീടുണർന്നു വീടുണർന്നു
വിളക്ക് പോലെ വീടുണർന്നു

മുടിയറുത്തു മുടിയറുത്തു
ഹല്ലാക് വന്നു മുടിയറുത്തു
പേര് വിളിച്ചു പേര് വിളിച്ചു
ഹംദയെന്ന പേര് വിളിച്ചു

ഖൽബടങ്ങി ഖൽബടങ്ങി
കത്തിയ എൻ ഖൽബടങ്ങി
കുളിരിറങ്ങി കുളിരിറങ്ങി
കാരുണ്യ റബ്ബിന് കുളിരിറങ്ങി