*വരവ്*
✍️ _സുഹൈൽ പി. ടി_
_ഈത്തച്ചിറ_ ✍️
നീയവിടുണ്ടെന്നറിഞ്ഞ മുതലെൻ ഹൃദയം കോരിത്തരിപ്പായി
നിൻ വരവുണ്ടെന്ന വിവരം മുതലെന്നും
ഓർത്തിരിപ്പായി
വരവടുക്കും നാൾ മുതലെൻ സ്വപ്നത്തിൻ ചിറകേറയായി
മിഴിയിൽ കണ്ട മാത്ര കരം കോർത്ത് ചേരണമെന്നായി
മൊഴി കേട്ട മുതലെന്നും കേൾക്കണമെന്ന തോന്നലേറെയായി
ചിരി കണ്ട നാൾ മുതലെന്നുള്ളിലെന്നും
തെളിവേറെയായി
കിടപ്പരികിലായ നേരം നീയെന്നുമെൻ ഹൃദയത്തുടിപ്പായി
ഒരു വിരിയിൽ പറ്റിച്ചേർന്ന് ഉറങ്ങിയപ്പോളെൻ മനമിരട്ടിയായി
പാദം പിച്ച വെക്കവേ നിന്നൊപ്പമാവാൻ ഞാനൊരച്ചായച്ഛനായി
വെയിൽകലക്കിയെൻ മേനി നിൻഭാവി ചിന്തയിൽ തെളിമയായി
എൻതണലിൽ ചെടിയായി നീ ഉയരും കാഴ്ചയുൾകുളിർമയായി.
05.02.2023
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ